"Каһәр төшкән коронавирус: сабыебыз 10 көн интегеп үлде"
Күптән түгел Уфада сирәк авыру йоктырган өч яшьлек Алия вафат булды. Бала озак вакытлар веналан тукландыруда була – кыска эчәклек синдромы аркасында ул үзе ашый алмый.
Күптән түгел сабый очраклы рәвештә катетерны өзә. Яңасын Мәскәү табиблары гына куя алган, тик анда барып җитәлмиләр. Баланың әти-әнисе башкалага кадәр самолетка өлгерми, ә икенчесен көтәргә озак - Уфа-Мәскәү маршруты буенча рейслар хәзер сирәк оча.
Алиянең әти-әнисе Республика балалар дәваханәсендә катетер урнаштырырга риза була, ләкин ул туры килми.
- Сабыебыз 10 көн интегеп үлде. Коронавирус аркасында без Мәскәүгә китә алмадык, бәлки анда аны коткарырлар иде. Бер самолет кына иде, әмма бала озак көтә алмады, - ди кызның әтисе.
Алиянең туганнары хәтта Мәскәүдән махсус борт турында килешә алган, тик кызганыч, баланы инде еракка алып бару мөмкин булмаган...
Фото: vecherka74.ru
Чыганак:Матбугат. ру
Следите за самым важным и интересным в Telegram-каналеТатмедиа
Нет комментариев