«Бәхетсезлек килеп чыкканын көтмәгез», – диде мэр.
Шәһәр мэры Наил Мәһдиев хакимияттә узган киңәшмәдә соңгы вакытларда республиканың кайбер район, шәһәрләрендә түбәдән кар төшү аркасында килеп чыккан бәхетсезлек очраклары турында сөйләде.
– Түбәдән кар төшеп бер районда 9нчы сыйныф укучысы, икенче шәһәрдә 5 айлык бала, өченче җирдә кибеттән чыгып баручы зыян күрде. Мондый очраклар буенча 2024 елның 3 аенда республикада 9 җинаять эше кузгатылган. Гаепле кешеләргә 7 елга кадәр иректән мәхрүм ителү яный. Күңелсез хәлләр килеп чыкмасын өчен йортларның авыш түбәләрен, балконнарны, подьезд козырекларын, шулай ук 300дән артык муниципаль учреждение биналары түбәсен 1-2 тәүлек эчендә кардан һәм боз сеңгеләреннән чистартырга кирәк, – диде ул.
Мэр бу эшне башкарма комитет җитәкчесенең беренче урынбасары Илья Зуевка шәхси контрольгә алырга кушты.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев