Чаллыда кайсы уку йортлары популяр?
9нчы сыйныфны тәмамлаучылар арасында иң популяр уку йорты Батенчук исемендәге төзелеш көллияте икән. Быел анда 370 укучы укырга керергә планлаштыра.
Икенче урында – Васильев исемендәге автомеханика техникумы. 275әр укучы Чаллы политехника һәм һәм технологик көллияткә барырга җыена. Дәрәҗәле уку йортлары исемлегендә шулай ук Поташев исемендәге техник, педагогия, индустриаль-педагогик, инженер-икътисад, медицина һәм сәнгать көллияте дә бар, 17 көллиятнең 10сында бюджет урыннарында укырга була.
Анкета нәтиҗәләре буенча 9нчы сыйныфны тәмамлаучыларның 41%ы – унынчы сыйныфка, 53%ы – һөнәри белем бирү учреждениеләренә барырга җыена. 6%ы әлегә кая барачагын белми. Аның каравы 11нче сыйныфны тәмамлаучыларның барысы да диярлек югары уку йортына керергә тели.
Фото: Яндекс.Карты
Следите за самым важным и интересным в Telegram-каналеТатмедиа
Нет комментариев