"Казан марафоны – 2019"

Марафон 4-5 май көннәрендә Казанда узачак. Беренче көнне катнашучылар 3 км дистанциягә йөгерәчәк. Ярышларның икенче көнендә 10, 21,1 км (ярыммарафон) һәм 42,2 км (марафон) узышлар планлаштырылган. Оештыручы билгеләп үткәнчә, беренче көнне, 4 майда, йөгерүдән тыш, парад узачак – катнашучыларны бүләкләү белән спорт чарасы ачылышы, ә кич белән Pizza төркеме концерты оештырылачак. Марафонда катнашучылар өчен концерт бушлай. Бу елның яңалыкларыннан - ярышларны оештыру, төп приз сыйфатында автомобиль игълан ителде: "Казан марафонының" теләсә кайсы ярышында катнашучы, хәтта 3 чакрымга да, яңа автомобильгә ия булырга мөмкин", – дип белдерде Вадим Янгиров.
Марафонның тагын бер яңалыгы ТР районнары арасында ярыш булачак. Җиңел атлетика ярышларында катнашучылар Татарстан Республикасының иң тиз йөгерүче муниципаль берәмлеге исеме өчен көрәшә алачаклар. Хәзерге вакытта Чаллыдан марафонда катнашу өчен 300 кеше заявка биргән. Әлегә ул катнашучылар саны буенча иң алда бара. Җиңүчеләр бүләккә мини-футбол өчен мәйданчык, ә призерлар волейбол-баскетбол мәйданчыгы һәм тренажерлар урнаштырылган спорт мәйданчыгы алачак. Шуны да билгеләп үтәргә кирәк, Казан, ярышларны оештыручы шәһәр буларак, зачетта катнашмаячак. «Казан марафоны»нда катнашу өчен 12 мең кеше заявка тапшырган инде