"Күңел" радиосы сәфәргә чыгып китте

9 июньдә Арча шәһәре стадионына «Күңел» десанты килә. Бу көнне сезнең яраткан алып баручыларыгыз Ришат Хаҗиев, Гөлинә Госамова, Алмаз Хәйртдинов матур шоу-программа әзерли. 

Концерт 9 июнь 18:00 сәгатьтә Арча районы Стадионында оештырыла.

–  Сәяхәтнең максаты – әлеге районнардагы радиотыңлаучыларыбыз белән якыннан танышып, аралашып кайту. Беренче сәфәребезне Арча районыннан башлыйбыз! 

Эстрадабызның популяр артистлары – Ильвира Хәмматова, Наил Әнәсов, Инсаф Мәрданов, Алинә Сәфиуллина, ИлГәрәй, Ләйсән Гыймаева, Булат Бәйрәмов һәм радио алып баручылары кич дәвамында сезнең кәефне күтәрәчәк. «Күнел» радиосыннан истәлекле бүләкләр, яраткан алып баручылар һәм артистлар белән фотога төшү – болар барысы да бер кичтә. Сезне көтеп калабыз, – дип сөйләде безгә «Күңел» радиосы җитәкчесе Лилия Мәхмүтова.