Хастаханәләргә кабат битлек белән!

Татарстанның медицина учреждениеләренә керү өчен хәзер кабат битлек кирәк.  Республиканың оперштаб телеграм каналында шул хакта мәгълүмат урнаштырылды. Бу берничә көн элек Россиядә коронавирусның яңа штаммы “Кентавр” ачыклану белән бәйле. “Аның билгеләре “Омикрон” белән охшаш. Температура күтәрелә, борын тыгыла, ютәл барлыкка килә, баш һәм тән мускуллары авырта”, - ди белгечләр. 

Татарстанга, шул исәптән Чаллыга килгәндә, әлегә бездә вирусның «яңа төре»н йоктыручылар теркәлмәгән.  Барлыгы исә узган тәүлектә республикада 43 кешедә коронавирус ачыкланган. 

Яңа вирусның үзенчәлеге хакында биредә укый аласыз.