Шəhри Чаллы

Киләсе ел өчен дә билгеле

РФ Хезмәт һәм социаль яклау министрлыгы 2018 елдагы ял һәм бәйрәм көннәр графигын раслады. Аннан күренгәнчә, Яңа елны гадәттәгечә 10 көн тоташ ял белән башлыйбыз икән: каникуллар быелның 30 декабреннән киләсе елның 8 гыйнварына кадәр дәвам итәчәк. Эшкә си-шәмбе - 9 гыйнварда чыгабыз. Ватанны саклаучылар көне уңаеннан

тоташ өч көн - 23-25 февральдә ял көтелә. Халыкара хатын-кызлар бәйрәмендә киләсе елда дүрт көн рәттән - 8-11 мартларда ял итәчәкбез. Моннан тыш, традицион май яллары 29, 30 апрельдә, 1, 2 майда, ягъни дүрт көн тоташ булачак. Аның каравы, Җиңү бәйрәмендә атна уртасында, ягъни чәршәмбе 9 майда нибары бер генә көн ял итәчәкбез. Русия көне уңаеннан өч көн - 10-12 июньдә, Халыклар бердәмлеге көне хөрмәтенә тагын өч көн - 3-5 ноябрьдә ял көтелә.

"Киләсе елда берничә бәйрәм ял көнгә туры килгәнлектән, алар түбәндәгечә күчерелә: 6 һәм 7 гыйнварлар (шимбә һәм якшәмбе) өчен 9 мартта һәм 2 майда ял итәбез. 28 апрель шимбәсендә эшләп, аның өчен - 30 апрельдә, 9 июнь шимбәсе өчен - 11 июньдә, 29 декабрь шимбәсе өчен 31 декабрьдә ял итәбез", - диелә Министрлык аңлатмасында. Тагын шуны да әйтергә кирәк, бу ялларга Татарстанның үз бәйрәмнәре дә өстәлә бит әле. 30 август (Республика көне) - пәнҗешәмбе, 6 ноябрь (Конституция көне) - сишәмбе ял итәчәкбез. Болардан тыш, Ураза һәм Корбан гаетләре ялларына да өмет итәбез (аларының көне әле билгеле түгел).

http://www.tatyash.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: