Коронавирус Антарктидада

Антарктидада инфекция Хенераль-Бернардо-О'Хиггинс Чили поляр станциясенең 36 хезмәткәрендә табылган. Бу хакта илнең Оборона министрлыгы хәбәр итә.
36 ир-егет инфекция йоктырган, аларның 26сы - хәрбиләр, унысы - базада ремонт башкаручы компания вәкилләре.
Авыручылар изоляциягә урнаштырылган, дәвалану үтә, хәлләре начар түгел.

Шул ук вакытта Джонс Хопкинс университеты мәгълүматлары буенча, бүген инфекция иң күп таралган ил - Америка. Анда 18 миллионнан артык кеше авырган, ковид аркасында 319 мең үлем очрагы теркәлгән. Икенче урында Һиндстан, өченче урында - Бразилия.

Ә менә безнең ил коронавирус инфекциясен йоктыручылар саны буенча дүртенче урында: пандемия башланганнан бирле әлегә кадәр 2,9 миллион ватандашыбыз ковид йоктырган.

Чыганак: Кызыл Таң
Фото: 24.kz