“Коронавирус безнең белән әле озак булачак!”

Чаллыда коронавирус белән авыручылар саны бераз кимегән. Быел ул 47 кешедә ачыкланган. Узган елның декабрь азагында 56 кеше авырган. Илгизәр Бариев әйтүенчә, сөенергә иртәрәк. Бу күрсәткечләр вакытлыча. Гадәттә яңа ел каникулларында авыручылар саны кими. Әмма соңыннан тагын артып китә. Хәзерге вакытта ОРВИ белән интегүчеләр күп. 

-    Бу елның беренче атнасында 1864 ОРВИ очрагы теркәлде. Шуларның 68-се грипп белән авыручылар, 41 кешедә – дуңгыз гриппы ачыкланды, - дип сөйләде Роспотребнадзор идарәсе башлыгы.