Ландыш Нигамәтҗановадан өчпочмаклар

Ландыш Нигамәтҗанова "Инстаграм"да түбәндәге өчпочмак рецепты белән бүлешкән.

Кирәк

Камырга:

1 кап акмай (газ өстендә яртылаш эретелгән һәм йомшартылган);

Ярты стакан үсемлек мае;

1 стакан сөт;

1 аш кашыгы каймак;

1 аш кашыгы шикәр комы;

0,5 чәй калагы тоз;

4-4,5 стакан он.

Беренче карашка, камыр шыр майдан тора кебек тоела, тик алай түгел. Пешереп карагач, тәмле генә камыр килеп чыкты.

Эчлеккә

700 грамм вак итеп туралган майлы ит;

уртача зурлыктагы вак итеп һәм шакмаклап туралган 7-8 бәрәңге;

1 суган;

Тоз;

Борыч;

Камырның өстенә сыларга 1 йомырка.