Шəhри Чаллы
  • Рус Тат
  • Марий Эл Республикасында ике баланы һәм аларның анасын үтергәннәр 18+

    Марий Эл Республикасының Волжск шәһәрендәге бер фатирда өч мәет табылган.

    Бу турыда Русия Тикшерү комитетының Марий Эл Республикасы буенча Тикшерү идарәсенең матбугат хезмәте хәбәр итте.

    «Волжск шәһәрендәге фатирда 31 яшьлек хатын, аның 11 яшльлек кызы һәм 14 яшьлек улының мәетләре табылды. Ике яки аннан да күбрәк кешене һәм кече яшьтәге баланы үтерү фактлары буенча җинаять эше ачылды», диелә бу хәбәрдә.

    "РИА Новости" агентлыгы чыганагы мәгълүматы буенча, алар барысы да пычак белән яраланган. Җинаятьнең фаразлары әйтелми. «Җинаятьтә шикләнелүче әлегә билгесез», — дигән агентлык чыганагы. Бу кешеләрне талау нияте белән үтерүләре ихтимал.

    Мәетләрне гаиләнең бер туганы таба.

    Улы һәм кызы белән яшәгән мәрхүмә хатын ире белән аерылышкан. Алар элекке ире белән яхшы мөнәсәбәттә булган, диелә хәбәрдә.

    Фото: rla novostl

    Чыганак: Кызыл таң

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: