Менгәнче төшүеңне уйла!..

6 июньдә Уфа коткаручылары агач башында утырган яшь кенә кызга ярдәмгә килгән.

Кыз агачка мәчесен коткарырга дип менгән булган. Туташ күтәрелгән саен дүрт аяклы җан иясе өскә үрмәләгән. Бераздан ул ни песиен коткара, ни үзе төшә алмаячагын аңлаган.

Ярый әле кесәсендә телефоны булган, ашыгыч хезмәт номерын җыюга коткаручылар килеп тә җиткән.

Бәхеткә, хуҗасын да, мәчесен дә җиргә имин генә төшергәннәр. Менәр алдыннан төшәреңне уйларга кирәк шул...

https://kiziltan.rbsmi.ru/articles/root/meng-nche-t-sh-e-ne-uyla-/