Шəhри Чаллы

Наил Мәһдиев Гомумроссия гражданнарны кабул итү көне кысаларында очрашулар үткәрде

Чаллы шәһәре мэры Наил Мәһдиев Бөтенроссия гражданнарны кабул итү көне кысаларында чаллылыларны кабул итте.

 Халык белән очрашу мэрның җәмәгать кабул итү бүлмәсендә узды. Үз сораулары белән шәһәр башлыгына дүрт Чаллы кешесе мөрәҗәгать итте. LIBERTA актерлык осталыгы студиясе җитәкчеләре Татьяна һәм Сергей Заболоцкийлар 10 яшьтән алып 17 яшькә кадәрге яшүсмерләрне мәдәни тормышка җәлеп итүгә һәм шәһәрдә тулы канлы яшь тамашачы театры булдыруга юнәлдерелгән мәсьәләне күтәрделәр. Моның өчен алшартлар бар. Мэрга хәбәр иткәнчә, бүген аларның театры репертуарында алты спектакль - балалар өчен каралган өч һәм өлкәннәр өчен исәпләнгән өч спектакль каралган. "Безнең бурыч - территорияне мәдәни киңлеккә әверелдерү", - дип билгеләп үтте Сергей Заболоцкий. Бу сүзләр шәһәр мэрында кызыксыну уятты һәм ул тиздән театрга барырга вәгъдә бирде.

Аларның коллегалары, "Ключ" яшьләр театры җитәкчесе Софья Федекина да шәһәр мэры белән очрашуга килде. Ул "Рольләрне башкаручылар" Халыкара театр фестивален оештыруда ярдәм итүләрен сорады.

 

 

 

Эшчәнлеге Кейтеринг белән бәйле эшмәкәр Рөстәм Гатин шәһәр җәмәгать киңлекләрендә кайнар аш оештырырга тәкъдим итте. Наил Мәһдиев, аның презентациясен игътибар белән өйрәнеп, проектка ярдәм итәргә әзер булуын билгеләп үтте.

 

 

 

 

 

Бер банк презентациясе белән Россельхозбанк җитәкчесе Алсу Агишева мөрәҗәгать итте. Мэр үзмәшгульләр белән эшләүгә игътибар итәргә тәкъдим итте.

 

 

 

 

 

 

 

Наил Мәһдиевтан тыш, шәһәрнең иҗтимагый кабул итү бүлмәсендә муниципаль берәмлек башлыгы урынбасары Флера Андреева, Башкарма комитет җитәкчесе Ринат Абдуллин, шәһәр мэрының халык белән эшләү буенча ярдәмчесе Диләрә Галимова кабул иттеләр. Чаллылыларны шәһәрне төзекләндерү һәм яшелләндерү, физик мөмкинлекләре чикләнгән кешеләр өчен уңайлы мохит булдыру мәсьәләләре борчый.

 

 

 

http://nabchelny.ru/news/39024

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: