Өлешчә мобилизациядән кемнәргә кичектерелү биреләчәк?

Россиядә өлешчә мобилизация беренче тапкыр уртача яисә югары белем алучы, көндезге һәм көндезге-читтән торып укучы студентларга кагылмый.  

Оборона сәнәгать предприятеләрендә, аерым элемтә корылмаларының тотрыклылыгын, куркынычсызлыгын һәм бөтенлеген тәэмин итүче оешмаларда эшләүчеләрне дә хәрби операциядән кичектереп торачаклар. 

Дәвалануга бирешми торган авыру балалары  яисә өч баласының берсе инвалид булган гражданнар да мобилизациядән азат ителәчәк. 

Генштаб тарафыннан әзерләнгән документта мәгълүмат һәм элемтә өлкәсендә, массакүләм мәгълүмат чараларында, милли түләү системасының тотрыклылыгын тәэмин итүче финанс оешмаларда эшләүче гражданнарны кичектереп тору хокуклары язылган.