Пенсия фондында - яңа «кайнар линия»

Татарстан Республикасы буенча Россия Федерациясе Пенсия фонды бүлеге хәбәр иткәнчә, хәзер РПФ контакт-үзәге операторларына 8-800-600-0357 номеры буенча шалтыратырга мөмкин.

Пенсия фонды бүлегенең контакт-үзәге бөтен республика буенча мөрәҗәгатьләрне үзәкләштерү һәм гражданнарга телефон аша хезмәт күрсәтүнең нәтиҗәлелеген арттыру максатыннан 2016 елда оештырылган иде. Проектны гамәлгә ашыра башлаганнан бирле республика гражданнарыннан 600 меңгә якын шалтырату кабул ителде. Көн саен контакт-үзәк белгечләре 120гә якын шалтырату кабул итә, һәр граждан буенча мөрәҗәгатьләрнең базасын  булдыра.