Пилотсыз йөрүче «КАМАЗ» машиналарын трассага чыгардылар

М-11 трассасына (Санкт-Петербургтан Мәскәүгә таба) пилотсыз хәрәкәт итүче "КАМАЗ" машиналарын чыгардылар. Әлегә юлга 3 машина гына кузгалды. Киләсе айда тагын өчәү өстәләчәк. Бу хакта ТР Рәисенең матбугат хезмәте хәбәр итә. Тантаналы чарада ТР Рәисе Рөстәм Миңнеханов, РФ Хөкүмәте Рәисенең беренче урынбасары Андрей Белоусов, РФ транспорт министры Виталий Савельев, "КАМАЗ" ААҖ генераль директоры Сергей Когогин катнашты.

Заманча "КАМАЗ"лар автоматлаштырылган, үзләре йөри. Әмма кабинада барыбер кеше бар. Ул системаны контрольдә тота. Моннан тыш, диспетчер да читтән маршрут һәм автомобиль хәрәкәтен күзәтә. 

ТР Рәисенең матбугат хезмәте фотолары