Президент Чаллыда бассейн ачты

Татарстан Президенты Чаллыда Гренада паркында урнашкан "Альбатрос" бассейнын ачуда катнашты. Аңа узган елның сентябрь аенда нигез салынган иде. Ул өч катлы, бер юлы 696 кешене кабул итә ала торган бөтен уңайлыклары булган заманча спорт корылмасы. Бассейның озынлыгы 50 метр, киңлеге 26 метр булса, тирәнлеге3,2 метрга җитә.Йөзү өчен 10 бүлемтеге бар. Шунысы үзенчәлекле, бассейн белән бергә Гренада паркы да төзекләндерелде, җәяүлеләр һәм велосипедчылар өчен юллар ясалды, ял итү өчен урыннар, эскәмияләр булдырылды.