Россиялеләргә смартфондагы ике кушымтаны яңартырга киңәш иттеләр

Россиядә яшәүчеләргә «Госуслуги» һәм «Госуслуги Авто» мобиль кушымталарын яңартырга кирәк. Чөнки кичәге көннән башлап иске версияләр Android операция системасында эшләүдән туктады. Бу хакта Россиянең Цифрлы үсеш, элемтә һәм массакүләм коммуникацияләр министрлыгы хәбәр итте.

«Android операция системасында мобиль кушымталарның иске версияләре 27 декабрьдән башлап кушылмаячак. Тапшырыла торган мәгълүматларның иминлеге өчен кушымтаны яңартырга кирәк», – диелә министрлыкның Телеграм-каналында.