Шəhри Чаллы

Россиядә балалар өчен SIM-карталар барлыкка килергә мөмкин

Россиядә балалар өчен SIM-карталар барлыкка килергә мөмкин. Роскомнадзор җитәкчесе Александр Жаров шундый тәкъдим белән чыкты, дип хәбәр итә RSN. Аның сүзләренчә, биредә төп проблема - әлеге «симкалар»ның балаларның әти-әниләренә рәсмиләштерелүендә.

«Барлык элемтә операторларында да булган функцияне закон нигезендә беркетергә вакыт җитте дип саныйм. Әмма алардан (балалар өчен SIM-карталар) бик азлар гына файдалана», - дип белдерде ведомство башлыгы. Роскомнадзор җитәкчесе ачыклык керткәнчә, «Элемтә турында»гы законга тиешле төзәтмәләр кертергә кирәк. Ул әлеге мөмкинлекне Дәүләт Думасының язгы сессиясендә карарга тәкъдим итте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: