Россиядә халык саны берничә миллионга кимүне кисәткәннәр.

Россиядә 2050 елга халык саны 125 миллион кешегә кадәр кимүне кисәткәннәр. «Аек Россия»Федераль проекты әнә шундый мәгълүмат бирә.

Экспертлар бәяләвенчә, әгәр хәзерге вәзгыять үзгәрешсез кала икән, 2050 елга Россия халкы якынча 125 миллион кеше тәшкил итәчәк. Россиядә халык кимүгә йогынты ясый торган төп факторлар арасында экспертлар алкоголь, тәмәке һәм наркотикларны билгеләп үтә.

«Үз арсеналында кораллы конфликтлар, санкция сәясәте, төсле революцияләр генә түгел, алкоголь, наркотиклар һәм гибрид сугышларның башка инструментлары булган илләрнең агрессив мохите бүген COVID-19 коронавирус инфекциясе белән тулыландырылган», — дип китерә документ текстын «РИА Новости».