Шәһәрдәшләр сайлау участокларына килә

50 нче мәктәптә урнашкан 2070нче сайлау участогында ТР Дәүләт Советына сайлаулар кануннар нигезендә бара. Комиссия рәисе Лилия Захарова әйтүенчә,шәһәрдәшләр республика һәм шәһәребез язмышына битараф түгел, 31 нче бистәдә яшәүчеләрнең кайберләре участок ачылуга ук килеп, үзләренең гражданлык бурычын үтәгәннәр.
"Мин сайлауларга бармыйча калганым юк. Балаларымның киләчәгенә битараф кала алмыйм. Бу юлы да эш күрсәткән, кешеләргә даими булышучы кандидатка тавыш бирдем", - ди шәһәрдәшебез Илдус Нәфыйков.
Күзәтүче Фәнил Салихов Чаллыда өстәмә сайлауларның тиешенчә узуына ышаныч белдерде. "Төшке аштан соң шәһәрдәшләребез тагын да активлашыр", - диде ул.