Салымнар артырмы?

Россия Хөкүмәте керемгә салымны 13 проценттан 15кә кадәр күтәрү турында сүз алып бара дигән хәбәр йөри. "Известия" гәзите хәбәр итүенчә, әлегә беренче вице-премьер Игорь Шувалов белән Финанс министрлыгы бернинди дә аңлатмалар бирми, төрле чаралар өйрәнелә, ләкин алар барысы да әлегә тәкъдимнәр рәвешендә генә. 21 мартта Россия Хөкүмәте премьер-министры Дмитрий Медведев илнең салым системасына үзгәрешләр кертергә кирәк дигән тәкъдим белән чыгыш ясады. Аның фикеренчә, теләсә кайсы салым системасы бер яклап илнең казнасын тулыландыра, икенче яклап, стимул бирергә тиеш.