Самара татарларының «Ак каен» ансамбле өлкә мәдәният министрлыгы грантына ия булды

500 мең сум грант акчасын сәхнә костюмнарын яңарту өчен тотачакбыз», - дип шатлыгы белән уртаклашты ансамбль җитәкчесе. Камышлы районы, Иске Ярмәк авылының «Ак каен» халык фольклор ансамбле, үзешчән сәнгать коллективлары бәйгесендә катнашып, өлкә мәдәният министрлыгы грантына ия булды. Бу хакта Бөтендөнья татар конгрессы хәбәр итә.

«Бу бик вакытлы ярдәм. 500 мең сум грант акчасын сәхнә костюмнарын яңарту өчен тотачакбыз. Ә Камышлы районы администрациясе яңа читекләр сатып алырга вәгъдә итте», — дип шатлыгы белән уртаклашты ансамбль җитәкчесе Наил Галимуллин.

Үзешчән сәнгать коллективлары бәйгесе «Иҗади кешеләр» федераль проекты кысаларында 2024 елга кадәр ел саен уздырылачак.