Штрафларны вакытында түләгез

Район ЮХИДИ инспекторлары юл йөрү кагыйдәләрен бозган өчен штрафларны вакытында түләргә чакыралар. Әлеге таләпне үтәмәгән өчен ел башыннан 70 йөртүче административ җәзага тартылган. Бурычны вакытында түләмәү аның суммасы икеләтә артуга, 15 тәүлеккә кадәр кулга алынуга, 50 сәгатькә кадәр мәҗбүри эшләргә, транспорт чарасын штрафстоянкага алып китүгә, эшнең суд приставларына барып җитүенә, акчаңа һәм милегеңә арест салынуына, чит илгә чыга алмауга китерергә мөмкин. Шуны да онытмагыз: штрафны карар чыгарылганнан соң 20 көн эчендә түләсәң, кесәгездән барлык сумманың яртысы гына чыгачак. Штрафларны ким дигәндә айга ике мәртәбә тикшерү кирәк. Моның өчен сезгә ярдәмгә дәүләт хезмәтләре күрсәтү порталы һәм ЮХИДИ сайты килер. http://tukai-rt.ru/tt/the-news-tat/item/24516-shtrafnyi-vakyityinda-tүlәgez.html