Скрипкачы Динә Закировага ире нинди хәбәр җиткергән?

Шәһәрдәшебез, Г.Камал театры оркестры музыканты. талантлы скрипкачы Динә Закировага «Татарстанның атказанган артисты» дигән мактаулы исем бирелде. Без Динәне әлеге дәрәҗәле бүләккә ия булуы белән котлыйбыз.  

–  Иң беренче булып ирем, Илнур Закиров котлады. Мин бу хәбәрне ишеткәч, бик сөендем. Хезмәтеңнең нәтиҗәсен күреп, шулай бәяләүләре күңелгә рәхәтлек бирә. Мактаулы исем алу – ул дәрәҗә, киләчәктә дә халкым өчен иҗат итәргә, эшләргә стимул. 

Әти-әниемә, тамашачыларыма, Г.Камал театры коллективына, Татарстан җитәкчеләренә бик зур рәхмәт.

Кичә театрыбызда гомум җыелыш булды. Шунда бу хәбәрне директорыбыз Илфир Якупов  хәбәр итте. Җыелыш  сәгать 11дә башланды. Ә мине бүләкләү турындагы Указга ТР Рәисе 26 июньдә 10 сәгать 50 минутта кул куйган.  Шулай итеп бөтен труппа минем сөенечемне уртаклашты, – диде Динә Закирова «Шәһри Чаллы» газетасы журналистына.