Суд приставларга хәзер ТР Дәүләт хезмәтләре порталында мөрәҗәгать итергә була

Суд приставларының Яңа хезмәтләре хәзер Татарстан халкына дәүләт хезмәтләре порталында күрсәтелә. Бу хакта Россия Суд приставлары федераль хезмәтенең ТР буенча идарәсенең массакүләм мәгълүмат чаралары белән хезмәттәшлек буенча баш белгеч-эксперты Лилия Хәлимова сөйләде.

Татарстан Республикасы Дәүләт хезмәтләре порталында башкарма производство буенча яңа сервисны гамәлгә ашыру буенча пилот проектының дүрт мәйданчыгының берсе булды.

«Цифрлы башкарма производство» суперсервисы кысаларында Татарстанлылар суд приставлары хезмәтләрен шәхси йөрмичә генә ала алачак. Пилот проекты шулай ук Карелия Республикасында, Владимир һәм Тверь өлкәләрендә эшли башлады.

Татарстанда дәүләт хезмәтләре порталында яңа сервис эшли башлады: хәзер республика халкына федераль пристав хезмәтләренә шәхсән йөрергә кирәкми, кирәкле хезмәтләрне дистанцион рәвештә алырга мөмкин.
Яңа сервислар гражданнарга да, юридик затларга да интернет аша башкарма производство барышы яки салынган чикләүләр турында мәгълүмат алырга, шулай ук суд приставларына карап тикшерү өчен төрле гаризалар, шикаятьләр һәм үтенечләр бирергә мөмкинлек бирә.

Кирәкле хезмәт алу өчен дәүләт хезмәтләре сайтына керергә һәм кирәкле "Популяр хезмәтләр" исемлегеннән сайларга кирәк. Моннан тыш, хезмәтне эзләү системасы аша да табарга була.