Сумала җитештерелә башлады

Сумала җитештерелә башлады

 “Яр Чаллы”  ТОСЭР резиденты “Химресурс «НПК» компаниясе – эпоксид сумала җитештерүне башлап җибәрде. Проектның гомуми бәясе 50 млн сум тәшкил итә. Биредә 21 яңа эш урыны булдырылган.

«ХИМРЕСУРС «НПК» компаниясе эпоксид сумала әзерләү буенча үзенең технологиясен булдырган. Фәнни-тикшеренү эшләре Казан милли-тикшеренү технология университеты һәм Ярославль технология институты белән берлектә үткәрелде.

"Безнең максат – импортны алыштыру, Чаллыда каты эпоксид сумала җитештерүне локальләштерү. Продукциягә ихтыяҗ зур һәм Россиядә булган тәкъдимнәр эпоксид сумала куллануның барлык өлкәләрен тәэмин итү өчен җитәрлек түгел, шуңа күрә әлеге җитештерү стратегик яктан мөһим", - диде компаниянең генераль директоры Эдуард Яруллин.

Продукцияне төп кулланучы - «Алабуга» ОЭЗ территориясендә коррозиягә каршы саклану чаралары, клей һәм абразив материаллар җитештерү белән шөгыльләнүче «3М» халыкара компаниясе. Компания шулай ук Данис Зариповның «ЗаряД» заводы кәшәкәләр ясау заводын да чимал белән тәэмин итәргә планлаштыра. Эпоксид сумала композит материаллардан файдаланып продукция җитештерүдә бәйләүче буын булып тора, аның элементлары авиация-комиссия, автомобиль сәнәгатендә, шулай ук спорт җиһазлары җитештерүдә кулланыла. Компания -  2018 елдан бирле “Яр Чаллы” ТОСЭР резиденты.