ТАБИБЛАР вакцина ясата

ТАБИБЛАР вакцина ясата

50дән артык медицина хезмәткәре вакцинация ясаткан

Чаллыда медицина хезмәткәрләрен вакцинацияләү буенча эш алып барыла. Инде 50дән артык медик COVID-19дан прививка ясаткан.  Сәламәтлек саклау идарәсе башлыгы Александр Николаев әйтүенчә, вакцина ясатканнан соң табиблар эшләвен дәвам итәләр. Әлбәттә, күзәтү алып барыла, үз-үзеңне тикшерү дә башкарыла. Стандарт сораштырулар, видеокүзәтү көндәлекләре бар, алар тутырыла.

Александр Николаев шулай ук коронавирусны дәвалау өчен бушлай дарулар бирү процессы турында сөйләде. “Куелган диагнозлы һәм COVID-19га шикле пациентларга препаратлар бирелә. Бу эш бүгенге көндә дә дәвам итә”, – дип аңлатты ул.

Александр Николаев шулай ук шәһәрнең барлык сәламәтлек саклау оешмаларында – 5 нче шәһәр хастаханәсендә, ашыгыч медицина ярдәме хастаханәсендә, 2 нче шәһәр хастаханәсендә компьютер томографиясе аппаратлары эшләвен билгеләп үтте. Йогышлы авырулар хастаханәсендә дә аппаратны көйләү эшләре тәмамланган. Хәзер рөхсәт документларын алу, персоналны укыту процессы бара.