Тагы бер артистыбыз вафат

 «Әкият» курчак театрының талантлы артисты, Татарстанның атказанган артисты Даниил Үтәшев вафат булган. Бу турыда театрның матбугат хезмәте хәбәр итте.

«Әкият» курчак театры мәрхүмнең якыннарының тирән кайысын уртаклаша. Аны «бөек актер, сәхнә остасы, мәдәниятле, театраль эстетикалы, зыялы, мәрхәмәтле кеше», дип искә алалар.

Даниил Үтәшев йөздән артык персонаж ясаган. Алар арасында «Новые приключения трех поросят» спектаклендә Бүре, «Али-баба и сорок разбойников»та Касыйм, «Сказка волшебной ночи»да мистер Никто, «Царевна-лягушка»да Кощей Бессмертный, «Малыш и Карлсон»да Карлсон, «Буратино»да Карабас һәм башкалар, диелә бу хәбәрдә.