Татарстан Президенты "Татар радиосы" студиясен карады

Татарстан президенты Рөстәм Миңнеханов "Татар радиосы" студиясендә кунакта булды. Анда ул "без, татар кешеләре, телебезне сакларга бурычлыбыз", дигән фикер әйтте. Рөстәм Миңнеханов "Татар радиосы" студиясенә килеп кергәч, турыдан-туры эфирга да чыкты. Ул анда "Безгә, татар кешеләренә, барыбызга да үзебезнең телебезне, гореф-гадәтләребезне, тарихыбызны, динебезне сакларга кирәк. "Татар радиосы" бу эшкә зур өлеш кертә. Барыбыз да бергә булсак, без көчле булабыз. Исәнлек-саулык, уңышлар сезгә барыгызга да! Иң зур сәлам шул: исәнлек, тынычлык булсын республикада!" диде.