Коммуналь челтәрләрнең искерүе – республикада актуаль проблема.
Татарстан Рәисе Рөстәм Чаллы шәһәр Советының йомгаклау сессиясендә Чаллы энергетикларын мактады.
«Татэнерго» филиалы » Чаллы җылылык челтәрләре предприятиесе үзенең инвестпрограммасы буенча 20 км җылылык челтәрләрен ремонтлады. Моның өчен 1,6 млрд сум акча тотылды.
Республика җитәкчесе коммуналь челтәрләрнең искерүен Татарстанда җитди проблема булуын искәртте. Чаллыда торак-коммуналь хуҗалык тармагында коммуналь челтәрләргә кагылышлы 461 җитешсезлек булган.
Татарстанда коммуналь инфраструктураны модернизацияләү программасы гамәлгә керде. 12,6 млрд сум акча бүлеп бирелде.
Рөстәм Миңнеханов бу өлкәгә Чаллы җитәкчеләрен бюджеттан тыш акча җәлеп итүне активлаштырырга чакырды.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев