Татарстан цифрлы тигезсезлеккә каршы көрәшне дәвам итә
Республиканың 71 җирлегендә югары тизлекле булган интернет үткәрәләр
Татарстанда социаль әһәмиятле объектларны киң полосалы интернетка тоташтыру дәвам итә.
Җепселле-оптик элемтә линияләре республиканың тагын 71 җирлегендә яшәүчеләргә челтәргә чыгарга ярдәм итәчәк. Бу хакта беренче яртыеллык нәтиҗәләре буенча Татарстан Республикасында элемтәне үстерү турында Татарстан Республикасы Финанслар министрлыгы коллегиясе утырышында министр урынбасары Альберт Яковлев сөйләде.
«Быел Татарстан районнарында социаль әһәмияткә ия объектларга кадәр 533 км “оптика” төзелде. Бу программалар цифрлы тигезсезлек проблемасын хәл итүгә юнәлдерелгән — тиз йөрешле интернетка социаль әһәмияткә ия объектлар гына түгел, ә 9 меңнән артык кеше яши торган 71 торак пунктта керә алачак», - дип билгеләп үтте Яковлев.
2021 ел ахырына кадәр республиканың 1,9 мең социаль яктан әһәмиятле объекты — мәктәпләр, ФАПлар, янгын сүндерү частьләре-тиз йөрешле интернет үткәрәчәк. Эшләр «Цифрлы икътисад» милли проектының «мәгълүмати инфраструктура»төбәк проекты кысаларында уза.
Агымдагы елның 1 сентябренә ярты миллионга якын мәктәп укучысы югары тизлектәге интернеттан файдалана алачак.
Следите за самым важным и интересным в Telegram-каналеТатмедиа
Нет комментариев