Татарстанда бер ир-ат үги кызын үтергән

Әлеге фаҗига Яшел Үзән районының Васильево поселогында була. 
Тикшерүчеләр баланы үтерүдә әнисенең 38 яшьлек бергә яшәүче ирен гаеплиләр. Ул исерек килеш берничә тапкыр баланың башына суккан. Бала шунда ук һәлак булган.
Әнисе медицина ярдәменә мөрәҗәгать иткән, ләкин табиблар баланың гомерен саклап кала алмыйлар. 
Гаепләнүче үз гаебен танымаган. Ир-атны СИЗОга җибәрәләр. РФ Җинаять кодексының 105 маддәсенең 2 өлеше буенча җинаять эше кузгатылган. Эшне тикшерү прокуратурада аерым контрольдә тора.