Татарстанда ипи эченнән тимер кисәге килеп чыккан

Буа каласында ашап утырганда кыз бала чактан гына тимерчыбык кисәген йотмый кала. Ул кибеттән алган батоннан килеп чыга. Шулай да күңелсез табылдык баланың тамагын яралап өлгерә. 
“(..). Әлеге тимерчыбык савыт-саба юа торган губканыкына охшаган. Ярый әле тирәнгә үк китмәде. Үз көчебез белән алып өлгердек. Ничек моңа юл куярга була инде?”, - дип хис-кичерешләре белән уртаклашкан кызчыкның әнисе социаль челтәрләрдә.
Хокук сакчылары  әлеге очрак буенча тикшерү алды эше башлаган. Аның нәтиҗәләре буенча тиешле карар кабул ителәчәк.