Татарстанда ял көннәрендә буран, юеш кар көтелә

ТР Гидрометүзәге синоптиклары ял көннәрендә һава торышы фаразын төзеделәр. 28 ноябрьдә төнлә бераз кар явачак, һава температурасы 8, урыны белән 13 градуска кадәр төшәчәк. Көндез Татарстанда юеш кар, буран көтелә. Һава температурасы нульдән минус биш градуска кадәр булачак. Синоптиклар юлларда бозлавык турында кисәтә.

Якшәмбе, 29 ноябрьдә, болытлы булачак. Тагын кар һәм юеш кар явачак. Термометр баганасы төнлә минус 7 градуска кадәр төшәчәк. Көндез өч градуска кадәр җылытачак. Шуның аркасында юлларда кабат бозлавык булырга мөмкин.