Татарстанга тагын 1,9 мең доза "Спутник V" вакцинасы кайтарылган»

Татарстанга яңа коронавирус инфекциясенә каршы «Спутник V»вакцинасының икенче партиясе килде. Бу хакта ТР Сәламәтлек саклау министрлыгының эпидемиология һәм иммунопрофилактика буенча баш штаттан тыш белгече Дмитрий Лопушов сөйләде.

"Бүген без тагын 1,9 мең доза алдык", - дип билгеләп үтте белгеч.

Дмитрий Лопушов сүзләренә караганда, хәзер медицина хезмәткәрләрен вакциналаштыралар, ләкин килгән партия риск төркемендәге кешеләргә кампанияне киңәйтергә мөмкинлек бирәчәк.

Кергән партияләрне ел ахырына кадәр тотып булыр дип планлаштырыла.

«ПЦР методы яки антителларны билгеләү белән тикшерү кирәклеген исәпкә алып, бу шактый авыр процесс. Һәрхәлдә, Яңа ел бәйрәмнәреннән соң вакцинаның икенче компонентын кертүне дәвам итү өчен, алынган партияләрне ел дәвамында тәмамларга планлаштырабыз", - дип билгеләп үтте эпидемиолог.

Риск төркемнәрен Татарстанның 56 медицина учреждениесендә вакциналаштырачаклар, дозалар ташу башланды инде.