Татарстанның иң яхшы мәктәп директоры Яр Чаллыда эшли

Татарстанда «Иң яхшы мәктәп директоры» грантын алуга республика конкурсы тәмамланды. 26 нчы гимназия директоры Андрей Сальников абсолют җиңү яулады. Ул 225 мең сум күләмендә грантка лаек булды. Чаллы мәгариф учреждениеләренең тагын биш җитәкчесе конкурс лауреатлары исемен алды. Менә алар: 56 нчы  мәктәп директоры Рәмзия Зәйнуллина, 37 нче мәктәп директоры Ләйсән Мифтахова, 35 нче мәктәп директоры Марс Гафуров, 78 нче лицей директоры Гөлнара Гарипова, 82 нче кадет мәктәбе директоры Эльмира Шәрипова. Лауреатлар 90 шар мең сумлык грантлар ала.