«Татмедиа»ның Telegram-каналы караулар саны буенча Татарстанда икенче атна әйдәп бара

«Татмедиа» акционерлык җәмгыятенең Telegram-каналы инде икенче атна рәттән республикада популяр каналлар арасында караулар саны буенча әйдәп бара. «Участковый Татарстана» Telegram-каналы шуңа игътибар юнәлткән.

«“Татмедиа“ @tatmediaofficial икенче атна рәттән караулар саны буенча беренче урында», - дип искәрткән блогер.

Статистикадан күренгәнчә, медиахолдингның Telegram-каналын 30 ноябрьдән 6 декабрьгә кадәр 862 мең 933 тапкыр караганнар. Шул ук вакытта, ул телгә алыну ягыннан өченче булган. @tatmediaofficial дип аталган популяр постны бер атна эчендә 19,4 мең тапкыр караганнар.

«Татмедиа» акционерлык җәмгыятенең Telegram-каналы 2019 елның августында ачылды. Каналда көн саен Татарстан Республикасындагы әһәмияткә ия вакыйгалар турында фото һәм видеолар, яңалыклар дөнья күрә. Telegram «Татмедиа» холдингы өчен социаль медиада өстенлекле мәйданчыкларның берсе санала.