Түбән Камада "Тема 37" яңа мәктәбенә бер мең бала йөри алачак

Түбән Камада 45 микрорайонда яңа мәктәп төзелеше тулы куәтенә бара. Объектның бәясе - ярты миллиард сумга якын. Мәктәпкә бөтен тирә-яктан 1000гә якын бала йөри алачак. Бу турыда Түбән Кама муниципаль районы рәсми сайтында хәбәр ителә.

Барлыгы мәктәпкә 784 бала язылган, ай ахырына кадәр сан меңгә җитсә, биредә күрше микрорайоннардан гына балалар белем алачак. Әгәр урыннар калса, "Тема 37" дигән яңа учреждениегә шәһәрнең теләсә кайсы почмагыннан балалар языла алачак. Белешмәләр өчен телефон: 8-987-061-10-45.

Әлегә укытучылар составы арасында ачык вакансияләр да бар. Ир-ат-хезмәт укытучысы, рус теле һәм математика укытучылары, шулай ук башлангыч мәктәптә эшләү өчен белгечләр җитми. Биредә "Артта калучыларсыз мәктәп" системасы буенча Шалва Амонашвилиның гуманлы педагогикасы принципларын кулланып укытачаклар.

Яңа мәктәп дизайны, әлбәттә, майлы буяу белән буялган традицион сыйныф бүлмәләре һәм коридорлардан сизелерлек аерылып тора. Һәр уку кабинетында, гадәтләнгән такталардан тыш, интерактив такталар да бар. Проектның кайбер детальләрен укучыларыбыз материалда урнаштырылган эскизларда күрә алалар.

37 нче мәктәпнең үз үзенчәлеге булачак – спортлы ориентлашу буенча бөтенроссия дәрәҗәсендә ярышлар үткәрергә мөмкинлек бирүче скалодром белән җиһазландырылган заманча спорт залы.

Хәзерге вакытта подрядчы компания "Евростиль" ҖЧҖ хезмәткәрләре эчке инженерлык челтәрләрен монтажлау, бизәү эшләре, фасадны урнаштыру, территорияне төзекләндерү эшләре алып бара. "Тема 37" 1 сентябрьдә үк үз ишекләрен ачачак.

https://tatar-inform.tatar/news/2019/06/21/188454/