Шəhри Чаллы

Театр “Нәүрүз” фестиваленә әзерләнә

1-8 июньдә Казанда "Нәүрүз" төрки халыкларының театр фестивале уза. Анда 16 илдән килгән театр коллективы, шул исәптән, Чаллы дәүләт татар драма театры да катнаша.

Театр директоры, Россиянең атказанган мәдәният хезмәткәре Рашат Фәйзерахманов әйтүенчә, безнекеләр төрки дөньясыннан килгән Казан кунакларына Карло Гольдониның "Ике хуҗаның хезмәтчесе" комедиясен күрсәтәләр. Ул 3 июньдә Г.Камал исемендәге дәүләт академия театрында була.

Бу спектакльгә тәнкыйтьчеләр дә югары бәя бирде. Артист Рәзил Фәхертдинов "Тантана" фестивалендә "Елның иң яхшы ир-ат ролен башкаручы" номинациясендә җиңде. Пьесаны драматург һәм режиссер Илгиз Зәйниев куйды. 22 майда тамашачылар яратып өлгергән әлеге спектакльне Чаллы театры бинасында карарга була. Белешмә өчен телефон: 38-05-78.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: