Тренерны хөкем иттеләр

Чаллының «Дельта» спорт үзәге директоры, тхэквандо буенча тренер Дамир Хөснетдинов эше буенча суд утырышы булды.

Ул 2023 елда Мамадыш районында оештырган палата лагерында тренировкалар вакытында балаларга физик һәм психик басым ясаган. Аның гамәлләреннән 12 бала зыян күргән.

41 яшьлек тренер ике маддә буенча гаепле дип табылды. Суд аны сынау срогы белән 2 елга шартлы рәвештә ирегеннән мәхрүм итте.