Тәрәзәдән өрәк кереп йөри

Кембриджирда (Англия) яшәүче Эндрю Уорд өрәкләрнең барлыгына тамчы да шикләнми. Алай гына түгел, көн саен кимендә бер өрәкнең төнлә тәрәзә аша аның өенә кереп йөргәненә ышана. Ә Эндрюның өе гади түгел. Ул яшәгән коттеджга 400 ел! Бу торакны ир 1980 елда сатып ала һәм аның сәерлегенә күптән төшенсә дә сатарга җыенмый. Юкса, дуслар-танышлары аңа күптән инде бу өйдән китәргә киңәш бирә. Ләкин Эндрю өрәкләрнең барлыгын һәммәсенә исбат итәргә җыена. Күптән түгел ул өенә видеокамера урнаштырган. Андагы язмадан күренүенчә, төнлә ябылган тәрәзә үзеннән-үзе ачылып китә. Һәм көн саен шулай...