Тукай районы Сабан туена нинди җырчылар килә?

Тукай районы Сабан туе 7 июнь көнне, гадәттәгечә, Кызыл Байрак авылы аланында узачак. Бәйрәм сәгать 10:00дә башлана. Оештыручылар бу көнне чын-чынлап «эссе» булачак, дип ышандыра. Сабан туеның төп кунаклары – йолдызлы дуэт Зөлфирә һәм Алмаз Мирзаяновлар. 

Бәйрәм программасы бай: район алдынгыларын хөрмәтләү, традицион ат чабышлары, көрәш, милли уеннар һәм күңел ачулар булачак. Шулай ук мастер-класслар, тематик күргәзмәләр, сувенирлар һәм бүләкләр ярминкәсе дә оештырылачак. Моннан тыш, «Күңел» радиосы концерт программасы тәкъдим итәчәк. Винарис Илъегет, Лилия Хәмитова, Davlyan, Зәмирә Рәҗәпова, Илзирә, Алмаз Ишморатов кебек җырчылар чыгыш ясаячак.