Владимир Путин очучы Дамир Йосыповка Россия Герое йолдызын тапшырды
Кремльдә дәүләт бүләкләрен тапшыру тантанасы узды.
Россия Президенты Владимир Путин 15 августта кукуруз басуына авария хәлендәге самолетны утырткан очучы Дамир Йосыповка Россия Герое йолдызын тапшырды. Бу хакта дәүләт башлыгының рәсми сайтында хәбәр ителә.
«Без барыбыз да быел җәй аенда Мәскәү өлкәсендә Жуковский — Симферополь пассажир рейсын коткару тарихын хәтерлибез. Катлаулы аварияле хәлдә һава судносының барлык экипажы профессиональ, төгәл, бердәм эшләде, батырлык күрсәтте. Әмма төп роль - лайнер командиры Дамир Касыйм улы Йосыпов һәм икенче очучы Георгий Александрович Мурзинныкы. Алар самолетны чиста кырда утырта алдылар һәм дистәләрчә гомерне саклап калдылар. Югары класслы очучылар хаклы рәвештә Россия Герое исеменә лаек булдылар», — диде Путин.
Следите за самым важным и интересным в Telegram-каналеТатмедиа
Нет комментариев