Чаллы студенты яхшы билгеләрне 70 мең сумга сатып алган

Чаллыда 38 яшьлек педагог 70 мең сум ришвәт алып,  бер студентына яхшы билгеләр куйган. Бу очрак хакында хокук сакчыларына мәгълүм була һәм алар укытучыга карата җинаять эше ача. Вакыйга шәһәрнең урта махсус уку йортларының берсендә була. Якын арада шәһәр суды үз карарын чыгарырга тиеш. 

Мәгълүм булганча, студентка куелган билгеләрнең барысын да гамәлдән чыгаралар. Ул имтиханныран яңадан тапшырырга тиеш була.