Ял көннәре - ял итәр өчен. Чаралар афишасы

Бүген, 18 сентябрьдә кичке 18:00 сәгатькә кадәр Азатлык мәйданында Татарстан Республикасының атказанган артистлары Гөлдания Хәйруллина, Заһир Насыйбуллин, Татарстан Республикасының атказанган мәдәният хезмәткәре, шагыйрә Зөләйха Минһаҗева һәм «Эврика» шәһәр мәдәният үзәге иҗат коллективлары катнашында «Җырың булсын күңелдә» дип исемләнгән концерт программасы узачак.
Җиңү паркында «Шатлык» яшьләр үзәге шәһәрнең яшьләр коллективлары катнашында «Шәһәр яшьләре сайлый... » дип исемләнгән концерт программасы оештыра.

Г. Тукай исемендәге яр буенда, амфитеатр янында «Визит» джаз оркестрыннан «Джазовый листопад» дигән концерт программасы тәкъдим ителәчәк.
Шул ук вакытта – 18:00 сәгатькә кадәр «Энергетик» мәдәният сарае каршындагы мәйданда Татарстанның атказанган артистлары, ТР халык коллективлары: Лилия Букеева, Федор Кузнецов, Илгиз Закиров, Илсөяр Зарипова, «Земляничка» халык театры, А. Краснов исемендәге халык хоры һәм популяр эстрада артистлары катнашында «Туган ягым җырларда да, шигырьләрдә дә!» концерты үткәреләчәк.

19 сентябрьдә чаралар иртәрәк узачак: 12:00дән 14:00гә кадәр.
«Камаз» мәдәният сарае артистлары үз тамашачыларын Азатлык мәйданында көтә – биредә шәһәрнең популяр артистлары катнашында «Кояшлы шәһәр» концерт программасы узачак.
Җиңү паркында шәһәрнең яшьләр коллективлары катнашында «U.лица молодых» дигән уникаль программа оештырылачак.

Г. Тукай исемендәге яр буенда Татарстанның халык артисты Виталий Агапов, Татарстан Республикасының атказанган мәдәният хезмәткәре Ринат Хәмәдиев, Татарстан Республикасының атказанган мәдәният хезмәткәре Рәшит Мәүләвиев, Татарстан Республикасының атказанган мәдәният хезмәткәре Рәсимә Хәйбуллина, Татарстан Республикасының атказанган мәдәният хезмәткәре Дания Нигъмәтҗанова иҗатларын сөючеләрне көтәләр.