Янгында ике хатын-кыз үлгән

Кичә  Мөслим авылының Уңыш урамында бер йортта янгын чыгуы турында 101 янгын хезмәте номерына 15.18 сәгатьтә хәбәр иткәннәр.

Россия Гадәттән тыш хәлләр министрлыгының ТР буенча Баш идарәсе матбугат хезмәте белешмәсе буенча, янгын бер катлы шәхси йортта чыккан.

15.27 сәгатьтә 40 квадрат метр мәйданда янгынның читкә җәелүен туктатканнар, ә 20 минуттан соң аны тулысынча сүндереп бетергәннәр.

Йортта ике хатын-кызның мәете табылган. Шулай ук бер ир-ат зыян күргән.

Хәзер янгынның сәбәбен ачыклыйлар.