Яр Чаллы кешесе таныш булмаган шәфкать туташының банк картасыннан акча урлаган

Яр Чаллыда 51 яшьлек шәфкать туташы банк картасын югалткан һәм ни өчендер аны блоклап куймаган.
"Челнинские известия" хәбәр иткәнчә, банк картасын 32 яшьлек ир-ат тапкан. Аны хуҗасына кайтарасы урында, ул 31 июльдә дүрт сәгать дәвамында кибетләрдә йөреп, төрле әйберләр сатып алган. Соңрак аны полиция хезмәткәрләре тоткарлый.
Зыян күләме 10 мең сум тәшкил иткән. Ир-ат китергән зыянны тулысынча түләгән. Бу судта йомшарткыч хәл булып торачак.  
Әлеге факт буенча 158 маддәсенең 3 өлеше "г" пункты "Урлау" буенча җинаять эше кузгатылган. Шикләнелүче элегрәк берничә тапкыр хөкем ителгән булган.

Фото: news.myseldon.com