Яр Чаллыда «Иң яхшы сыйныф җитәкчесе - 2021» конкурсы башланды

«Иң яхшы укытучыларны халык үзе сайлый. Аны үткәрү идеясе 2014 елда Чаллы укучылары белән очрашудан соң барлыкка килде, һәм шул вакыттан бирле проект барыбызны да яраткан укытучыларына рәхмәт белдерү максаты белән берләштерә. Укучылар һәм аларның әти-әниләре, эш буенча хезмәттәшләре конкурста катнашу өчен сыйныф җитәкчесен тәкъдим итәләр, аннан соң тавыш бирү барышында иң яхшы сыйныф җитәкчесе билгеләнәчәк. Мин сезне, кадерле якташлар, үз укытучыларыгызны тәкъдим итәргә, аларга рәхмәт сүзләрен кызганмаска, мәктәп еллары турында җылы хатирәләр белән уртаклашырга һәм биргән белемнәре, мәхәббәтләре өчен рәхмәтләрегезне белдерергә чакырам», – дип мөрәҗәгать итте Әлфия Когогина округ халкына.
Бәйге инде традициягә әверелде, быел аның старты Укытучылар көненә туры китерелгән. Проект шәһәр һәм район газеталары ярдәмендә тормышка ашырыла: «Челнинские известия» – Яр Чаллыда, «Менделеевские новости» – Менделеевск районында,«Агрызские вести» – Әгерҗе районында, «Мензеля»– Минзәлә районында.
Ел саен Әлфия Когогина җиңүчеләргә Дәүләт Думасы депутатының Рәхмәт хатларын һәм 35 мең сум күләмендә исемле премияләр тапшыра.

http://nabchelny.ru/