Яшьлеккә кайту бәйрәме

Әй­тер­гә ки­рәк, ул шә­һәр кө­не­нә ба­гыш­лан­ган бәй­рәм­нәр­нең иң күр­кә­ме, иң тә­э­сир­ле­се­дер, мө­га­ен. Ан­да дус­лар, сый­ныф­таш­лар, як­таш­лар оч­ра­ша. Рос­си­я­нең, БДБ ил­лә­ре­нең төр­ле тө­бәк­лә­рен­дә яшәү­че­ләр әле­ге ча­ра­га мах­сус кай­та. "Мин Омс­ки­да яшим. Яшь­ле­гем бү­ген бәй­рәм уза тор­ган Үзәк урам­да үт­те. Ел са­ен би­ре­дә як­таш­ла­рым, дус-иш­лә­рем бе­лән оч­ра­шам. Без­не үт­кән­нәр­гә алып кай­ту­чы шун­дый күр­кәм ча­ра­ны оеш­ты­ру­чы, төп Чал­лы кы­зы, шә­һә­ре­без­нең мак­тау­лы граж­да­ны, "Энер­ге­тик" мә­дә­ни­ят са­рае ди­рек­то­ры Гөл­за­да Рза­е­ва­га бик зур рәх­мәт", - ди Ри­нат әфән­де.

Чал­лы як­таш­лык җәм­гы­я­те - ак­тив эш­чән­лек алып ба­ра тор­ган иҗ­ти­ма­гый оеш­ма­лар­ның бер­се. Ул 1988 ел­да тер­кәл­гән, шун­нан бир­ле уңыш­лы эш­ли. Төп Чал­лы­лы­лар бәй­рә­мен җәм­гы­ять ин­де 20 ел "Энер­ге­тик" мә­дә­ни­ят са­рае бе­лән бер­гә оеш­ты­ра. "Бу - та­рих­ка, яшь­лек­кә кай­ту. Кү­ре­нек­ле ар­тист­лар, иҗат кол­лек­тив­ла­ры­на ку­шы­лып җыр­лый­быз, би­и­без", - ди ки­тап­ха­нә­че бу­лып эш­ләп ла­ек­лы ял­ган чык­кан шә­һәр­дә­ше­без Да­ния ха­ным Дәү­ләт­ши­на.

Бәй­рәм­не оеш­ты­ру­чы­лар прог­рам­ма­га ел са­ен яңа­лык кер­тер­гә ты­ры­ша­лар. Бы­ел­гы­сы шә­һәр кө­не бе­лән бер­рәт­тән Чал­лы прис­та­не­нең 165 ел­лы­гы­на да ба­гыш­лан­ды, чөн­ки Ка­ма бу­ен­да­гы ак ка­ла та­ри­хын­да аның үз уры­ны бар. Ул озак ел­лар дә­ва­мын­да Идел һәм Ка­ма ел­га­ла­рын­да иң эре йөк прис­та­не бу­лып са­нал­ган. Ә 1970нче ел­лар­да дөнь­я­ның төр­ле кыйт­га­ла­рын­нан КА­МАЗ тө­зе­ле­ше­нә кил­гән егет-кыз­лар­ны би­ре­дә кар­шы ал­ган­нар. "Нәкъ ме­нә шул чор­лар­да та­рих Яр Чал­лы­ны бө­тен дөнья кар­та­сын­да хез­мәт ба­тыр­лы­гы шә­һә­ре итеп та­ныт­ты. Сез Со­вет­лар Со­ю­зы­ның төр­ле тө­бәк­лә­рен­нән кил­гән ав­то­ги­гант тө­зү­че­ләр­нең бе­рен­че­лә­рен җы­лы һәм ку­нак­чыл кар­шы ал­ды­гыз. Әле­ге ма­тур сый­фат­ла­ры­гыз нә­ти­җә­сен­дә чит­тән кил­гән ке­ше­ләр шә­һәр­не ярат­ты­лар. Ә төп чал­лы­лы­лар өчен бу - ке­че Ва­тан, сез­нең ба­ла­чак һәм яшь­лек шә­һә­ре. Сез аңа йө­рә­ге­гез­нең бар җы­лы­сын би­реп, үзе­гез­нең тор­мы­шы­гыз­ны ба­гыш­ла­ды­гыз. Шу­ңа кү­рә­дер дә Чал­лы уңай­лы, як­ты, ма­тур һәм иге­лек­ле га­мәл­ләр шә­һә­ре бу­лып кал­ды да", - ди­де үзе­нең чы­гы­шын­да баш­кар­ма ко­ми­тет җи­тәк­че­се Ри­нат Аб­дул­лин.

Чал­лы кы­зы, Та­тар­стан дәү­ләт Со­ве­ты де­пу­та­ты, со­ци­аль сә­я­сәт ко­ми­те­ты рә­и­се Свет­ла­на За­ха­ро­ва да бәй­рәм­гә ки­лү­че­ләр­гә из­ге те­ләк­лә­рен җит­кер­де. Ул гү­зәл шә­һә­ре­без үсе­ше­нә фи­да­карь хез­мәт­лә­ре бе­лән зур өлеш керт­кән ке­ше­ләр­гә рәх­мәт бел­дер­де, яшь бу­ын­ны та­рих­ны бе­лер­гә, өл­кән­нәр­не хөр­мәт итеп яшәр­гә ча­кыр­ды.

Чал­лы як­таш­лык җәм­гы­я­те рә­и­се, шә­һәр со­ве­ты де­пу­та­ты Аль­берт Пет­ров та як­таш­ла­рын бу күр­кәм бәй­рәм бе­лән кот­лап, из­ге те­ләк­лә­рен җит­кер­де.

Ча­ра дә­ва­мын­да 1970-80 ел­лар­да­гы ма­тур җыр­лар яң­гы­ра­ды. Ар­тист­лар­га ку­шы­лып, бәй­рәм­гә ки­лү­че­ләр би­е­де­ләр, вальс әй­лән­де­ләр. Ма­тур җыр­лар, дәрт­ле би­ю­ләр­дән тыш би­ре­дә Чал­лы­ның төр­ле тар­мак­ла­рын­да эш­ләү­че, үз­лә­ре­нең юби­лей­ла­рын бил­ге­ләп үтү­че кү­ре­нек­ле шә­хес­ләр­не кот­лап, бү­ләк­ләр дә тап­шыр­ды­лар. Алар ара­сын­да ле­ген­дар та­биб, ЗЯБ бис­тә­сен­дә­ге 4нче хас­та­ха­нә­гә ни­гез са­лу­чы, Чал­лы­ның мак­тау­лы граж­да­ни­ны Ли­ну­за Га­ни­е­ва, Со­ци­а­лис­тик хез­мәт ге­рое, КА­МАЗ тө­зе­ле­ше удар­ни­гы, Ра­дик Җә­лә­ев һәм баш­ка­лар бар иде. Хез­мә­те бе­лән Чал­лы­ны дан­ла­ган әле­ге күр­кәм ке­ше­ләр­нең тор­мыш һәм хез­мәт юлы егет-кыз­лар­га үр­нәк бу­лыр­лык.

Үзәк урам­да­гы төп чал­лы­лы­лар бәй­рә­ме бы­ел да бик кү­ңел­ле уз­ды. "Ал­ла­га шө­кер, ту­ган­нар, дус­лар бе­лән ка­бат оч­раш­тык. Яшь­ле­ге­без үт­кән урам­ны, Ка­ма бу­ен ка­рап йөр­дек. Чал­лы­ның көн­нән-көн ма­тур­ла­ну­ы­на сө­ен­дек. ГЭС­та­гы Яр буе да тө­зек­лән­де­ре­лә. Мо­ңа да бик шат­лан­дык. Ба­ры­быз­га да исән-сау бу­лып, ки­лә­се ел­да да мон­да - Үзәк урам­да оч­ра­шыр­га на­сыйп бул­сын", - ди Ми­ләш­кәй бис­тә­сен­дә яшәү­че Зи­на­и­да Пет­ро­ва. Шә­һә­ре­без­дә та­рих­ны яңар­ту­чы, җыр­лы-моң­лы һәм тәр­би­я­ви әһә­ми­ят­кә ия бул­ган мон­дый ча­ра­лар ки­лә­чәк­тә дә дә­вам ит­сен иде.

Зөл­фия ГА­ЛИМ.